13.05.2024, а гадз. 13:00-23:00
Уваход бясплатны
Escape room «Таямніца шчасця», вулічныя танцы на вул. Foksal з гуртом Гайда Банда, канцэрты Sw@da x Nicos і нашага Хору, майстар-клас каліграфіі, Вежа загадак і сузірання. Усё гэта і многае іншае чакае Вас падчас Ночы музеяў 2024, арганізаванай Цэнтрам Думкі Яна Паўла ІІ. Падрабязны расклад знаходзіцца ніжэй.
Прыпыненне, добрае ўнутранае самапачуццё і спакой зыходзяць з добрых адносін – з сабой і з іншымі людзьмі. Каб падкрэсліць гэтую шматмернасць патрэб і вопыту, мы запрашаем Вас у дзве прасторы: месца сузірання, уважлівасці і крэатыўнасці на нашым дзядзінцу і на вуліцу Foksal, поўную радоснай весялосці.
У праграме: насычаная энергіяй танцавальная вечарына з танцамі на свежым паветры, якая спалучае розныя музычныя і этнічныя светы (Гайда Банда, Sw@da x Nicos), escape-room для ўсёй сям’і, выклікі ў атмасфернай Вежы загадак, канцэрт Хору Цэнтра Думкі Яна Паўла ІІ, які ажыццяўляе музычны дыялог паміж усходняй і заходняй культурай Еўропы, а таксама майстар-клас, які дазволіць знайсці момант на адпачынак і спакой ў гэты поўны моцных уражанняў дзень.
РАСКЛАД
- 13:00-22:00 – Escape room «Таямніца шчасця» (неабходна ажыццявіць папярэднюю рэгістрацыю на сайце, форма рэгістрацыі будзе даступна з 7 мая ад гадз. 12:00)
- 13:00-22:00 – «Creatio» — выстава плакатаў Марэка Мацейчыка
- 16:00-20:30 – Майстар-клас па каліграфіі (неабходна ажыццявіць папярэднюю рэгістрацыю, рэгістрацыя будзе даступна з 7 мая ад гадз. 12:00)
- 16:00-22:00 – Вежа загадак і сузірання
- 17:00-19:00 – Нанізванне імгнення – адкрытае перфарматыўнае дзеянне
- 19:00-20:45 – Танцы з гуртом Hajda Banda / Гайда Банда
- 21:00-22:00 – Канцэрт Sw@da x Niczos
- 22:15-23:00 – Канцэрт Хору Цэнтра Думкі Яна Паўла II
КУДЫ МЫ ЗАПРАШАЕМ ВАС?
ТАНЦЫ З ГУРТОМ HAJDA BANDA / ГАЙДА БАНДА
Hajda Banda / Гайда Банда – гэта беларуска-польскі гурт, які выконвае традыцыйны танцавальны і вакальны рэпертуар з Падляшша, Заходняй Беларусі і Палесся. Старадаўнія полькі, абярэкі, песні і спевы выконваюцца з энергіяй маладосці і артыстычнай вытанчанасцю, пачэрпнутымі з архіўных запісаў і сустрэч з майстрамі вясковай музыкі. У складзе гурту можна пачуць наступныя акустычныя, рэгіянальныя інструменты: скрыпку, трохрадны гармонік, цымбалы і рамачны барабан. Адзіны ў свеце «Падляшскі біг-бэнд» чэрпае натхненне ў такіх выканаўцаў, як: Вера Грыгарук, Эдмунд Брожэк, Станіслаў В. Маленчук, Фальклорная Студыя Падляшскіх Беларусаў Жэмэрва.
КАНЦЭРТ SW@DA X NICZOS
#indawoods – гэта ўнікальная бас-гісторыя Sw@da – польска-калумбійскага прадзюсара, намінаванага на ўзнагароду «Фрыдэрык» ў 2023 годзе за альбом «Sad» і Niczos — надзвычай таленавітая спявачка і рэперка з Падляшша, якая сумяшчае клубныя аранжыроўкі, узбагачаючы іх элементамі традыцыйных спеваў і рэпу на падляшскай і беларускай мовах. Дуэт з Падляшша чэрпае моцнае натхненне з магіі свайго рэгіёну, але спалучае традыцыйныя элементы з сучаснымі, электроннымі гукамі.
КАНЦЭРТ ХОРУ ЦЭНТРА ДУМКІ ЯНА ПАЎЛА ІІ
Падчас кароткага канцэрта Хор прадставіць дыялог паміж усходняй і заходняй культурамі Еўропы. Удзельнікі Ночы музеяў пачуюць творы розных эпох і рэгіёнаў: ад сярэднявечных франконскіх і візантыйскіх монадый, праз барочныя і рамантычныя поліфанічныя творы да сучаснай харавой літаратуры. Заходні (рымска-каталіцкі) і ўсходні (царкоўны) рэпертуары будуць выконвацца парамі, такім чынам, каб прадэманстраваць агульныя і спалучаемыя элементы, а таксама адрозненні. Фіналам канцэрта стане твор Рамуальда Твардоўскага «Алілуя», які спалучае гэтыя два рэпертуары.
