Logo Centrum Myśli Jana Pawła II

ПАД СУПОЛЬНЫМ НЕБАМ – летні агляд фільмаў у Варшаве.

english

Адкрый для сябе кіно на шэзлонгах і з міжкультурнай перспектывы!

13 ліпеня пачынаецца кінаагляд ПАД СУПОЛЬНЫМ НЕБАМ. Кожную летнюю сераду а 20:15 у двары нашай камяніцы па адрасе вул. Фоксаль (Foksal) 11, вы зможаце паглядзець фільмы з Украіны, Беларусі, Грузіі і Індыі – краін, людзі з якіх складаюць усё большую групу жыхароў Варшавы. У рэпертуары аж дзевяць новых фільмаў (2017-2021 гг.), у тым ліку невядомыя раней польскаму гледачу, такія як «Вялікая індыйская кухня» („The Great Indian Kitchen”)  рэж. Чжэо Бэбі (Jeo Baby). Перад сеансамі – а 20:15, запрашаем на гутаркі з запрошанымі аўтарамі і экспертамі, якія наблізяць нам кожны з фільмаў і краіны іх паўстання.

Асноўная тэма праграмы – сучасны сацыякультурны ландшафт Украіны, Беларусі, Індыі і Грузіі. Асноўная ідэя —стварыць  прастору для міжкультурнага дыялогу з новымі жыхарамі сталіцы, а таксама сустрэч па-над падзеламі і стэрэатыпамі.

План сустрэчы:

  •     20:15 – размова з запрошанымі гасцямі
  •     21:00 – кінасеанс

Агляд завершыцца прэзентацыяй эцюдаў і кароткаметражных фільмаў, знятых студэнтамі і выпускнікамі польскіх кінашкол і курсаў Wajda School.

Мерапрыемства суправаджаецца серыяй падкастаў на тэму  міжкультурнай адукацыі, духоўных каранёў мультыкультуралізму і ўразлівасці да Іншага.

УВАХОД НА ЎСЕ ПАКАЗЫ БЯСПЛАТНЫ!

REPERTUAR SIERPIEŃ


3 ЖНІЎНЯ | БЕЛАРУСЬ
20:15 – размова з запрошанымі гасцямі | 21:00 – кінасеанс

ЧЫСТАЕ МАСТАЦТВА (2019)
рэж. Максім Швэд
д/ф, 51’

Таямнічы мастак з’яўляецца ў розных кутках Мінска. Ён разгортвае палатно і пачынае маляваць. Пад ягоным пэндзлем паўстаюць таямнічыя геаметрычныя фігуры, прастакутнікі і квадраты… А горад жыве сваім жыццём. Цікаўныя мінакі спантанна падыходзяць да мастака і пытаюцца, што ён стварае. Мужчына не раскрывае сакрэту, пытаючыся, што яны самі бачаць на палатне. Крок за крокам мы знаёмімся з мастаком бліжэй. Гэта Захар Кудзін, адзін з самых перспектыўных беларускіх жывапісцаў. Што за прастакутнікі і квадраты ён малюе і навошта…? Адказ на гэтае пытанне шмат для каго будзе нечаканым.

ЭПІТАФІЯ (2020)
рэж. Віктар Аслюк
д/ф, 28′

Беларускі некропаль. Для кагосьці гэта месца сустрэч з памерлымі сваякамі, месца для роздумаў і малітвы, нехта шукае тут слядоў мінулага, хтосьці шпацыруе, а хтосьці бавіць час… за сямейнымі бяседамі. Побач з хадакамі і сузіральнікамі паміж магіламі часам пракрадаюцца каты, з-за дрэў выглядваюць вавёркі. Могілкі, пагружаныя ў смяротную цішыню, часам ажываюць, а за ўсім назіраюць застылыя ў часе надмагільныя партрэты.
Глядзець трэйлер.

СОЙКА (2021)
рэж. Анастасія Сергіеня
м.ф, 15′

Беларуская эмігрантка Ганна жыве пад няспынным ціскам і звычайна робіць адчайныя крокі, каб здзейсніць свае творчыя мары і дасягнуць поспеху ў Нью-Ёрку. Адначасова яна стварае альтэрнатыўную гісторыю свайго жыцця, каб уразіць сваю бабулю, якая ўсё яшчэ жыве ў Беларусі.
Глядзець трэйлер.

31 ЖНІЎНЯ | БЕЛАРУСЬ
20:15 – размова з запрошанымі гасцямі | 21:00 – кінасеанс

КРЫШТАЛЬ (2018)
рэж. Дар’я Жук
м/ф, 95′
У ролях: Аліна Насібуліна, Іван Мулін, Анастасія Гарві

Гісторыя Эвеліны – маладой беларускі, якая марыць пераехаць у Чыкага, дзе яна магла б развіваць сваё захапленне хаус-музыкай. Нягледзячы на тое, што атрымаць візу ў ЗША – справа няпростая, дзяўчына, рашуча настроеная пакінуць краіну, рызыкуе і купляе на чорным рынку дэкларацыю працадаўцы аб гатоўнасці працаўладкаваць яе. «Крышталь» — гэта гісторыя пра жанчыну, але таксама і пра грамадства, якое спадзяецца на лепшую будучыню, і дзе паняцці ўласнай ідэнтычнасці і прыналежнасці яшчэ не акрэсленыя.
Глядзець трэйлер.

Партнёры Агляду: Wajda School, Фундацыя для Свабоды, Фундацыя Іншая Прастора, Таварыства сяброў Украіны, Беларускі Дом, Украіна! FF, One Caucasus, Transkaukazja.

Медыя-патроны: TVP KULTURA, часопіс KINO, FilmWeb, IMI Radio, Życie Śródmieścia.

Дафінансоўваецца са сродкаў Міністра культуры і нацыянальнай спадчыны з Фонду прамоцыі культуры – дзяржаўнага мэтавага фонду.

Projekt współfinansowany ze środków Polskiego Instytutu Sztuki Filmowej.

Obrazek posiada pusty atrybut alt; plik o nazwie PISF_log1pol.png

Opublikowano 07.07.2022

ZOBACZ RÓWNIEŻ

Współczesne kino nie odwraca wzroku od problemów starości, choroby i śmierci, ale dalekie jest od religijnej perspektywy – diagnozuje Jakub Majmurek. Zapraszamy do lektury!
Podobnie jak w ostatnich latach, w dniach poprzedzających rocznicę śmierci Jana Pawła II, odchodzimy od prostych, symbolicznych form upamiętnienia papieża
Często patrzymy na złość widząc wyłącznie jej objawy. Zdarza się, że staramy się ją zagłuszyć. Czym ona jest i co może powiedzieć o nas samych?
Rodzicu, szukasz pomocy dla siebie lub dla dziecka? Nauczycielu doświadczasz trudności w relacji z uczniami? Uczniu, coś Cię niepokoi, czujesz się samotny, zagubiony? Nie czekaj. Skorzystaj ze wsparcia

Klikając „Zgadzam się” udzielasz zgody na przetwarzanie Twoich danych osobowych dotyczących Twojej aktywności na naszej witrynie w celach analitycznych, zapewnienia prawidłowego działania funkcjonalności z serwisów społecznościowych oraz serwerów treści. Szczegółowy opis celów i zakresu przetwarzanych danych znajdziesz tutaj.